Transcription
1
Monsegneur, jey receu voz lettres du XIe et faict
2
tenir toutes celles que avés envoyé avec icelles incontinant,
3
mesmes celle de madamoyselle Sainct Prie qui vous a faict
4
response à icelles. Tous les jours je la suis allé visiter pour luy
5
presenter de voz biens. Je luy ay faict tenir des chappons que jey faict
6
apporter de Laval en nombre de 3, et auparavant je luy avoit faict
7
tenir 3 polles avec du fromage et des poyres. Jey envoyé à Chechilienne
8
pour avoir du charbon pour luy faire tenir aussi. Jespère avec layde
9
de Dieu quelle se portera bien. Je masseure que monsieur de
10
Villeneufve vous en doibt entrorer [entretenir ?] par ses lettres. Je ne meslognerey
11
de ceste ville, actendant de voz nouvelles. Pour le present,
12
il ny a aultre chose à vous escripre, que sera la cause que
13
je finerey la presente, après avoir prié le Createur,
14
monsegneur, vous avoir et tenir en sa saincte
15
et digne garde et vous meintenir en très bonne sancté
16
et longue vie. De Grenoble, ce XVe febvrier 1574.
17
18
Voz povres subiectz de Chechilienne voz
19
supplient très humblement les exhempter
20
de la cocte en quoy ilz sont cotizés
21
pour le magasin de ceste ville, de quoy
22
ilz sont pressés de payer par le syeur
23
Ennemond Parrot qui les a actendu jusques
24
à present à cause quilz sont voz subiectz et leur
25
a decleré et à moy, quil ne les peult plus actendre
26
ne aultres. Vous en ferés votre bon pleysir quilz ensuyvront
27
et moy, vous asseurant quilz sont bien povres et nont moyen
28
de vivre et le seront encoures plus silz sont contrainctz payer
29
telle cocte et si ne scay comme ilz la porront fornir car la
30
plus part crie à la feim. Parquoy, mosegneur, vous userés de
31
votre begninité comme avés, et les votres, faict envers eulx par cy devant.
32
33
Jey veu ce matin ma damoyselle de Sainct Prie
34
qui ma comander vous presenter de sa part ses humbles recommandations à votre bonne grace
35
et vous faire entendre quelle na pas heu de fiebvre ses deux jours passés, que la
36
faict sperer destre bien toust guerie.
37
Jey aussi veu monsieur de Monestier
38
qui ma aussi chargé de vous presenter
39
le sciennes à votre bonne grace et
40
vous faire è ntendre quil a receu voz
41
lettres dès a nuict quil arriva bien
42
tard, ausquelles vous fera response
43
par la premier et na vollu permectre
44
que le lacquays sejourne pour cella.
45
46
Votre humble et obeyssant serviteur
47
à jamays. Jehan de brunel